Finnsk-íslenska viðskiptaráðið var stofnað í Helsinki árið 2007. Ráðið eflir og viðheldur viðskiptatengslum milli Finnlands og Íslands, ásamt því að efla tengsl á sviðum menntunar, menningar og viðskipta. Það er tengslanet fyrirtækja, stofnana og einstaklinga og er vettvangur fyrir samskipti við hið opinbera. Ráðið er vettvangur til að fjalla opinberlega um hagsmunamál í viðskiptum Finnlands og Íslands auk þess að flytja á milli þekkingu, stefnur og strauma í málum er snerta viðskipti milli Finnlands og Íslands.

Finnsk-íslenska viðskiptaráðið skipuleggur fundi og ráðstefnur er varða almenn málefni landanna tveggja og stendur vörð um viðskiptatengda hagsmuni félaga sinna gagnvart finnskum og íslenskum yfirvöldum.